ვითომ, მართლა კუჭზე გადის?
ქალებს რომ ჰკითხოთ, მამაკაცების გულისკენ სავალი გზა კუჭზე გადის. ვერ გეტყვით, რამდენად ახლოსაა სიმართლესთან ეს მოსაზრება, რადგან პირველ ყოვლისა, ალბათ, ქალი უნდა იყოს ისეთი, მინიმუმ, მადა რომ არ დაგეკარგოს, მაგრამ, გასულ კვირას, აღნიშნული მოსაზრება ლონდონში კიდევ ერთხელ დამტკიცდა: ტელეშოუში მონაწილეობის მისაღებად „ჩელსისა“ და ინგლისის ნაკრების ლიდერის, ფრენკ ლამპარდის ყოფილი ცოლი, ელენ რივასი მიიყვანეს და სხვადასხვა კერძი მოამზადებინეს, რის შემდეგაც საჭმელი ცნობილ გურმანებს გაასინჯეს. ელენის ნახელავმა დიდი მოწონება დაიმსახურა.
– ვიცოდი, რომ მოეწონებოდათ. თავის დროზე ლამპარდიც ამით მოვხიბლე. როცა მან ჩემი გაკეთებული კერძები მიირთვა, მაშინვე ცოლობა მთხოვა, – განაცხადა ელენმა, მაგრამ, ის კი არ დაუკონკრეტებია, ქმარს რატომ დაშორდა. ვითომ, კეთება დაავიწყდა?