“ომი და ქორწილი„ უკვე კინოთეატრებშია
ზაზა კოლელიშვილის ახალი ფილმი „ომი და ქორწილი“ – უკვე საქართველოს კინოთეატრებშია. ფილმი, რომლის შესახებაც ცოტა ხნის წინ ჩვენს ჟურნალში გიამბობდით, აგვისტოს ომს ეძღვნება: იმ დღეს, როდესაც გორში ომი დაიწყო, ახალგაზრდა წყვილის ქორწილი იყო დაგეგმილი. ომის დაწყება ზუსტად იმ დროს დაემთხვა, როდესაც სიძე პატარძლის ჩამოსაყვანად კონფლიქტის ზონაში მიემგზავრებოდა. თუმცა, ომმა მათ ხელი ვერ შეუშალა. როგორ ვითარდება მოვლენები – ეს უკვე თავად ნახეთ. ფილმში მთავარ როლებს ზაზა კოლელიშვილის შვილი, ელენე კოლელიშვილი და მსახიობი როლანდ ოქროპირიძე თამაშობენ. ეს ულამაზესი დუეტი ძალზე რეალურად გვიყვება ერთი სიყვარულის ისტორიას, რომელსაც ომი ვერაფერს აკლებს.