“ემოობა„ მხოლოდ სასცენო იმიჯად დარჩება
ყველასგან განსხვავებული მუსიკალური სტილითა და ორიგინალური ვარცხნილობით გამორჩეული ემო, მომღერალი ეშლი, ძალიან მალე განსხვავებული გარეგნობითა და ბევრი სიურპრიზით დაგვიბრუნდება. როგორც მომღერალი განმარტავს, ჯაჭვები და პირსინგები მის ასაკს აღარ შეეფერება და ეს ყოველივე მხოლოდ მის სასცენო იმიჯად დარჩება. „გასაგებია, რომ ძალიან კარგია, როდესაც პირველი ემო ხარ საქართველოში, მომწონს მუსიკის ეს სტილი, ჯაჭვები და ლამაზად შეღებილი თვალები, მაგრამ, ვმუშაობ საკმაოდ საინტერესო პროექტებზე და ამიტომ ეს ყოველივე მხოლოდ სასცენო იმიჯად დარჩება. ასევე, ვმუშაობ ახალ სიმღერაზე, სახელწოდებით „აკრძალული ხილი“, რომელიც ძალიან მალე დატრიალდება ქართულ რადიოსივრცეში. ჩემი აზრით, ახალგაზრდები ძალიან ბევრ შეცდომას უშვებენ და, ვინც ამ სიმღერას მოუსმენს, დასკვნა აუცილებლად უნდა გამოიტანოს“, – ამბობს მომღერალი ეშლი.