“ლოტოს„ ჯეკპოტი გაიზარდა
საქართველოს ლატარიის კომპანიის – „ლოტოს“ უკვე ოთხი გათამაშება გაიმართა. 2009 წლის 29 დეკემბრის, ანუ პირველი გათამაშების ჯეკპოტი 300 000 ლარს შეადგენდა. ოთხივე გათამაშების შედეგად უკვე 1 793 გამარჯვებულია გამოვლენილი – 1 793 ბედნიერი ადამიანი, რომლებმაც სხვადასხვა საპრიზო კატეგორიისთვის განსაზღვრული თანხები მოიგეს. საქართველოს ლატარიის კომპანიამ ყველა გამარჯვებულ ბილეთზე, საერთო ჯამში, 345 021 ლარი აანაზღაურა. ამ ეტაპისთვის ჯერ არ გამოვლენილა ის იღბლიანი ბილეთი, რომლის მფლობელიც ლოტოტრონის მიერ გამოვლენილ ექვს ძირითად რიცხვს დაამთხვევდა და ჯეკპოტსაც მოიგებდა. შესაბამისად, ლოტოს მომდევნო გათამაშებისთვის ჯეკპოტი კვლავ გაიზარდა და 600 000 ლარს შეადგენს. ასევე, ძალიან მნიშვნელოვანია, რომ გაყიდული ბილეთებიდან შემოსული თანხის 21,5 პროცენტი საქართველოში სპორტისა და კულტურის განვითარებისთვის არის მიმართული.