რომელი სტიქიის ქვეშ დაბადებულ ადამიანებს ეკრძალებათ ძვირფასი ლითონისგან დამზადებული სამკაულის ტარება
ზოგი ადამიანი ოქროს სამკაულს ანიჭებს უპირატესობას, ზოგიც ვერცხლის ნაკეთობას ამჯობინებს.
ცეცხლისა და ჰაერის სტიქიის ნიშნის ქვეშ დაბადებული ადამიანებისთვის ასტროლოგიურად ოქროს სამკაულია უმჯობესი, თუმცა, აქაც არის გამონაკლისი კერძოდ, „ტყუპების“ ზოდიაქოს ნიშნით დაბადებულთათვის კარგია როგორც ვერცხლის, ასევე ოქროს სამკაული.
მიწისა და წყლის სტიქიის ქვეშ დაბადებული ადამიანებისთვის უფრო მეტად მისაღებია ვერცხლის სამკაული, თუმცა გამონაკლისი აქაც არის. კერძოდ, კუროსა და სასწორისთვის, მისაღებია როგორც ვერცხლი, ასევე ოქრო.
მაღალი წნევის მქონე ადამიანებმა ოქროს სამკაული არ უნდა ატარონ, ვერცხლი კი მათ ნერვულ სისტემას დაამშვიდებს. ოქროს სამკაული კარგია იმ ადამიანებისთვის, ვისაც ძლიერი ნებისყოფა აქვს, მაგრამ ბავშვებს ნუ გაუკეთებთ, რადგან ამ ლითონს ძალიან ძლიერი ენერგეტიკა აქვს და ბავშვის აურა ვერ უძლებს მისგან წამოსულ დიდ ენერგიას. ასევე, ოქროს სამკაული არ არის რეკომენდებული მათთვის, ვისაც ჰიპერტონიული დაავადებების გარდა აწუხებთ, ნევროზი, ფსიქიკური აშლილობა და სხვა.
დაბალი წნევის მქონე ადამიანებისთვის ოქროს ტარება კარგია.
რაც შეეხება ვერცხლის სამკაულს, ამ ლითონს აქვს როგორც დადებითი, ასევე უარყოფითი თვისებები. კარგია, თუ ვერცხლს ატარებს ის ადამიანი, რომელიც ეჭვიანია ან უძილობა აწუხებს.
იმ ადამიანმა, რომელიც მიეკუთვნება ცეცხლის სტიქიას და ენერგეტიკულად ძლიერია, არ უნდა ატაროს ოქრო, რადგან ისედაც ბევრი ენერგია აქვს; მასში მოჭარბებულია აგრესია და ოქრო ზედმეტ პრობლემას შეუქმნის. ამიტომ, ასეთ ადამიანებს ესაჭიროება ვერცხლი, რომელიც მათ შიდა ენერგიას გააწონასწორებს.
ვერცხლს უარყოფითი მხარეც აქვს, კერძოდ, ენერგეტიკულად სუსტი, მელანქოლიური ხასიათის მქონე ადამიანებისთვის ის საშიშია. ასეთებს ოქროს სამკაულების ტარებას ვურჩევთ, რათა მათში მეტად მოიმატოს ოპტიმიზმმა, ენერგიულობამ, აქტიურობამ.
ოქროს ნივთების ტარებისას მეტად გამოავლინეთ დაკვირვება, რადგან არათითზე დიდი ხნის განმავლობაში მისი ტარება ორგანიზმში უარყოფით ცვლილებებს იწვევს. დროდადრო დაასვენეთ თითები ოქროსგან.
მიიჩნევა, რომ ვერცხლი სისხლს „აცივებს“ და, აქედან გამომდინარე, ის ხელს უწყობს გაციებას. ამიტომ, ვინც ადვილად ცივდება, ვერცხლის სამკაულები არ უნდა ატაროს.