კურნიკოვას ორსულობა იგლესიასის ბრალი არ არის
ყოფილმა ჩოგბურთელმა ანა კურნიკოვამ უკვე მერამდენედ განაცხადა, რომ ორსულად არის და, რა თქმა უნდა, ბავშვის მამად ენრიკე იგლესიასი დაასახელა. თავად ესპანელი მომღერალი საახალწლოდ ძალიან დატვირთული იყო, მაგრამ კურნიკოვასთან და სავარაუდო შვილთან დაკავშირებულ კითხვას მაინც უპასუხა.
– მე და ანა უკვე მეექვსე წელია, ერთად ვართ და, მგონია, რომ ათი წლის შემდეგ ჯვარსაც დავიწერთ და შვილებიც გვეყოლება. რაც შეეხება ახლანდელ ორსულობას, დაზუსტებით შემიძლია, გითხრათ, რომ კურნიკოვა ორსულად არ არის და, თუ არის, მაშინ ბავშვის მამა მე არ ვარ, ეს კი გამორიცხულია, – ღიმილით განაცხადა ენრიკემ. მაგრამ, ხომ გაგიგიათ, იცინის ის, ვინც ბოლოს იცინის.