ლუსის რჩევა ქალებს
ლუსი პინდერი უბრალო ვინმე არ გეგონოთ. 2009 წელს მისი მკერდი ბრიტანეთში ულამაზესად აღიარეს, რის შემდეგაც გოგონას პოპულარობამ პიკს მიაღწია და სარეკლამო კონტრაქტებმაც არ დააყოვნა. ლუსიმ კი განაცხადა, რომ მთელი ცხოვრება საფეხბურთო კლუბ „საუთჰემპტონის“ გულშემატკივარი იყო და ახლა რეალური შანსი ჰქონდა, პრემიერლიგიდან გავარდნილ და ფინანსურად შეჭირვებულ გუნდს დახმარებოდა. გოგონას მონაცემების გათვალისწინებით, საქმეში ბრიტანეთის ულამაზესი მკერდი ჩაერთო და საახალწლოდ კალენდარი დაიბეჭდა, რომელზეც ლუსი სანტა კლაუსის ქუდით არის შემოსილი და, რა თქმა უნდა, მკერდს ამზეურებს.
– ჩემი მკერდი ბუნებრივია და ლამაზიც ამიტომ არის. რა უნდა გააკეთოთ იმისთვის, რომ ჩემნაირი მკერდი გქონდეთ? განსაკუთრებული არაფერი, უბრალოდ, მუდმივად იყავით დაკავებული სპორტით და, კვირაში მინიმუმ ოთხჯერ – სექსით, – განაცხადა ლუსიმ, რომელიც კალენდრების გაყიდვიდან შემოსული თანხის გადარიცხვას „საუთჰემპტონის“ ანგარიშზე აპირებს.