შერილმა „ლეიბორისტებს“ აგინა
იმედია, ამის გამო ქართველი „ლეიბორისტები“ არ შემოგვწყრებიან. მით უმეტეს, რომ მათი ბრიტანელი კოლეგები პოლიტიკაში არცთუ გათვითცნობიერებულმა ადამიანმა გააკრიტიკა. საუბარი ლონდონის „ჩელსის“ მცველის, ეშლი კოულის ცოლზე გვაქვს. შერილ ტვიდი ჟურნალის ყდაზე ახალ იმიჯში გამოჩნდა და „როკმენი ქალის“ სამოსი მოირგო. რა თქმა უნდა, ფოტოსესიის შემდეგ პრესკონფერენცია გაიმართა, რომლის დროსაც შერილს ბრიტანელ „ლეიბორისტთა“ ლიდერის, დევიდ კემერონის სიტყვები გააცნეს. კემერონს უთქვამს, ჯგუფ „გირლზ ალოუდში“ ყველა გოგო მომწონს, მაგრამ შერილი მაინც გამორჩეულად სექსუალურიაო. სწორედ ამან გადარია კოულის ცოლი.
– დევიდ კემერონი? ის ხომ ეშმაკია. ასე ყველა პოლიტიკოსს მოვიხსენიებ, რადგან მგონია, რომ ისინი უბრალოდ ხალხის ხარჯზე ცხოვრობენ. ამის მიუხედავად, მთელი ჩემი ოჯახი „ლეიბორისტთა“ მხარდამჭერი იყო და მეც არჩევნებზე ინსტინქტურად „ლეიბორისტებს“ ვაძლევ ხმას, მაგრამ ეს იმას არ ნიშნავს, რომ რომელიმე პოლიტიკოსი მომწონს. რაც შეეხება კონკრეტულად კემერონის შეფასებას, მას კარგი გემოვნება ჰქონია, – განაცხადა შერილმა.