ჰოკეისტები გაიფიცნენ
სამარის ჰოკეის კლუბმა „ლადამ“ ბოლო შეხვედრები საზიზღარი ანგარიშებით წააგო და გუნდის მოთამაშეებმა მედიისგან კრიტიკა დაიმსახურეს. თავიდან ჰოკეისტები კრიტიკას ყურადღებას არ აქცევდნენ, მერე კი საგანგებო პრესკონფერენცია გამართეს და მიზეზებზე ისაუბრეს.
მშივრები ვართ და იმიტომ ვერ ვთამაშობთ. ადრე კლუბი თავად გვაჭმევდა, ახლა კი საკვებიც მოიხსნა და, სამი თვეა, ხელფასიც არ აგვიღია. შედეგად მივიღეთ ის, რასაც ყველა ხედავს, ანუ, „კაკოე პიტანიე, ტაკოე კატანიე“, – განაცხადეს ჰოკეისტებმა.
როგორც ირკვევა, სამარის ავტომობილის მწარმოებელ ქარხანას ფინანსური პრობლემები შეექმნა და, ამიტომაც, კლუბს დაფინანსება ჯერ შეუმცირა, მერე კი მთლიანად მოუხსნა.