ტყავის სამოსი
ცნობილი ჩოგბურთელის, ფერნანდო ვერდასკოს საყვარელი ქალი დაფნა ფერნანდესია. გოგონა პარალელურად პოდიუმზე ბაკუნით არის დაკავებული, თან კი მაქსიმალურად ცდილობს, ფერნანდოს მუდმივად კუდში სდიოს, რომ პირდაპირ კორტიდან არ „აახიონ“. სხვათა შორის, თვითონაც სწორედ ასე მოიპოვა მან ვერდასკო და ჩოგბურთელს მაშინ „ჩაავლო“, როცა იგი ერთ-ერთ ტურნირზე შეყვარებულის გარეშე ჩავიდა.
მოკლედ, დაფნამ ახალი სამოსი გამოიგონა. მან ფერნანდოს დაურეკა და უთხრა, შინ მოდი, თავიდან ბოლომდე მხოლოდ ტყავი მაცვია და მინდა, ნახოო. ვერდასკომ იფიქრა, ჩემი ქალი ახალი სამოსით „მემარიაჟებაო“ და რამდენიმე მეგობარიც გაიყოლა, სახლში შესულს კი... დაფნა მთლიანად შიშველი დახვდა. უხერხულობა მალე განიმუხტა, რადგან გოგონა მეორე ოთახში გატანტალდა და ჩაიცვა, ვერდასკომ კი გაოცებულმა იკითხა აბა, ტყავის სამოსი სად არისო, რაზეც ქალმა უპასუხა: რომ გითხარი, მხოლოდ ტყავი მაცვია, საკუთარ ტყავს ვგულისხმობდიო. საინტერესოა, ამ სამოსით დაფნა მომავალში ქუჩაში გავლასაც თუ გადაწყვეტს.