რა დროს რთულდება გრიპი და რატომ არ შეიძლება საკუთარი რეცეპტებით რესპირატორულ დაავადებებთან ბრძოლა
როგორც სპეციალისტები ვარაუდობენ და ამბობენ, ინფექციების და მთელი რიგი ზამთრის დაავადებების პიკის პერიოდი ჯერ კიდევ წინ არის. ბოლო დროს, ეგრეთ წოდებული „ღორის გრიპით“ დაავადებულთა რიცხვმაც საკმაოდ მოიმატა და, სამწუხაროდ, ლეტალური შემთხვევაც დაფიქსირდა საქართველოში. ასევე, ბევრი უჩივის ისეთ გრიპსა და გაციებას, რომელსაც თან ნაწლავთა მწვავე აშლილობა ერთვის.
თუ რომელი ინფექციური დაავადებებია განსაკუთრებით საშიში და ყურადსაღები ამ პერიოდში, როგორ ავიცილოთ მთელი რიგი გართულებები და ფატალური შედეგები, ასევე, როგორ ვუმკურნალოთ შედარებით მსუბუქი გაციებისა და გრიპის სიმპტომებს, ამ თემაზე კომენტარი ვთხოვეთ დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოადგილეს, ბატონ შოთა ცანავას, რომელმაც მეტად საჭირო და ამ სეზონისთვის აუცილებლად გასათვალისწინებელი რეკომენდაციები მოგვაწოდა.