გამართავს თუ არა ნინი ბადურაშვილი სოლო კონცერტს
მიუხედავად იმისა, რომ „სტეფანე და სამი გოგო“ საკმაოდ აქტიურად მუშაობს ახალ ალბომზე და მისი სარეკლამო კამპანიისთვის ევროტურშიც აპირებენ გამგზავრებას, ნინი ბადურაშვილი მაინც ფიქრობს სოლო კარიერაზე. ნინი, როგორც სოლო-შემსრულებელი, ყველაზე აქტიური იყო სამ გოგოს შორის და მისი თითქმის ყველა სიმღერა ჰიტად იყო ქცეული. მართალია, ძალიან რთულია სოლო კონცერტის ფილარმონიის დიდ საკონცერტო დარბაზში გამართვა, მაგრამ შეუძლებელი ნამდვილად არ არის. თუმცა, ნინი უფრო კამერულ, მყუდრო სივრცეზე ფიქრობს, სადაც ბენდთან ერთად სასიამოვნო საღამოს აჩუქებს ერთგულ მსმენელს. სავარაუდოდ, ეს, შეიძლება, მუსიკისა და დრამის თეატრიც იყოს, სადაც არაჩვეულებრივი კონცერტები ჰქონდათ ლიზა ბაგრატიონსა და მაია ჯაბუას. როდის გაიმართება ნინი ბადურაშვილის სოლო-საღამო, ჯერ კიდევ არ არის ცნობილი.