არა! არა!.. არა!
როგორ უნდა მოახერხოთ ის, რომ აბეზარ, უსიამოვნო ქალბატონად იქცეთ და მამაკაცები თქვენს დანახვაზე უკანმოუხედავად გარბოდნენ?! წაიკითხეთ და დაიხსომეთ: არასდროს მოიქცეთ ასე. არა! არა!.. და კიდევ ერთხელ – არა!
* ნურასდროს ითამაშებთ, ნუ შეეცდებით, შეძვრეთ იმ ადამიანის ტყავში, რომელიც თქვენ არაფრით გგავთ. ქალების უმრავლესობას შინაგანად სწამს, რომ მამაკაცი მაინც წარმმართველია, ამიტომ, არ არის საჭირო ამის დამალვა და ძლიერი ქალის როლის თამაში. ნუ გგონიათ, რომ ეს მოდაშია. სულერთია, მაინც არ გამოგივათ და სასაცილო ნუ გახდებით.
* ნურასოდეს მიჰბაძავთ სხვებს ნურც ჩაცმის სტილით და ნურც ქცევის მანერით. ინდივიდუალობა გაცილებით მომგებიანია. ნურც ფანტაზიებს აჰყვებით. ზედმეტ ოცნებას სარგებლობა არ მოაქვს.
* ნუ ეცდებით, გადააკეთოთ თქვენი რჩეული და ნურც თქვენ „გადაკეთდებით“ მარტო იმიტომ, რომ მასში და საკუთარ თავში რაღაც არ გაკმაყოფილებთ. კომპრომისზე წასვლა სხვაა და ადამიანის ხასიათის შეცვლის მცდელობა – სხვა. ეძებეთ ის პიროვნება, ვისაც თქვენ სჭირდებით და არა უხილავი ფანტომი.