სასურველი ავარია
გასულ კვირას ავარიაში მსოფლიოსა და ევროპის ჩემპიონი, რუსი მოციგურავე მარია ბუტირსკაია მოჰყვა. იგი საკუთარი „მერსედესით“ მიჰქროდა, როცა გზაზე მოულოდნელად „მოსკვიჩი“ გამოუხტა და ავტომობილები ერთმანეთს შეეჯახნენ. შეჯახება არცთუ ძლიერი იყო, მაგრამ ბუტირსკაია მიღებული შოკისგან რამდენიმე წუთის განმავლობაში აზრზე ვერ მოდიოდა.
„ავარია მსუბუქი იყო, იმდენად მსუბუქი, რომ აირბაგებიც კი არ გაშლილა. თავიდან მეგონა, სიკვდილს ვერ გადავურჩები-მეთქი და ამ აზრმა გამთიშა. როცა ყველაფერი გავაცნობიერე, ორი მამაკაცი ხელოვნურ სუნთქვას მიტარებდა. ისინი „მოსკვიჩში“ ისხდნენ და მომხდარით აშკარად ბედნიერები ჩანდნენ. ალბათ, ვერასოდეს წარმოიდგენდნენ, რომ ერთ მშვენიერ დღეს მარია ბუტირსკაიას შუა ტრასაზე წამოაწვენდნენ და ტუჩებში რიგ-რიგობით დაუწყებდნენ კოცნას“, – ღიმილით იხსენებს მომხდარს მოციგურავე.