“მის კავკასიის უნივერსიტეტის„ ვინაობა “ნაით ოფისში„ გაირკვა
კომპანია „ფეშენ ასოსიეიშენმა“ განათლებისა და მეცნიერების სამინისტროს მხარდაჭერით, 2 ივლისს, „ნაით ოფისში“ ჩაატარა კონკურსი „მის კავკასიის უნივერსიტეტი“. კომპანიის დამფუძნებელი და პროექტის იდეის ავტორი ირინა ონაშვილია. ამ კონკურსში გამარჯვებული გოგონა, თვრამეტი წლის მარიტა გენებაშვილი, „კავკასიის უნივერსიტეტის სახე“ გახდა და წარადგენს მას დასკვნით კონკურსზე – „მის უნივერსიტეტი 2009“. გამარჯვებულ გოგონას გადაეცა ორკაციანი საგზური თურქეთში. ჟიურის წევრები იყვნენ განათლების აკრედიტაციის ეროვნული ცენტრის დირექტორი ნინო ჩუბინიძე, სააგენტო „შარმის“ დამფუძნებელი ლალი ტოტიკაშვილი, ლელა ცინცაძე და სოფო ბურჯანაძე, ასევე „კიკალა სტუდიოს“ დამფუძნებელი მამუკა კიკალიშვილი და ნინო ცქიტიშვილი. გამარჯვებული ძალიან ბედნიერი ჩანდა, ის დაგვპირდა, რომ ღირსეულად წარადგენს საკუთარ უნივერსიტეტს „მის უნივერსიტეტზე“.