„თბილისელების“ სამზარეულო
საჭირო ინგრედიენტებია: 20 გრამი მწვანე სალათის ფოთოლი, 1 ცალი ავოკადო, 4 სადილის კოვზი ლიმონის წვენი, 200 გრამი მშრალად მოხარშული ძროხის ხორცი, 1 ცალი ტკბილი ვაშლი, 2 ცალი ყვითელი ბულგარული წიწაკა, 1 კბილი ნიორი, 1 ცალი წითელი ხახვი, 3 სადილის კოვზი არაჟანი, 1 სადილის კოვზი კეტჩუპი, მარილი – გემოვნებით.
მომზადების წესი: სალათის ფოთლები გარეცხეთ, გააშრეთ და ჩააფინეთ სასალათის ფსკერზე. ავოკადოს რბილობი დაჭერით კუბიკებად და დანამეთ 2 სადილის კოვზი ლიმონის წვენით. ხორცი დაჭერით კუბიკებად. ვაშლი გათალეთ და გახეხეთ მსხვილკბილა სახეხზე. დანამეთ მორჩენილი ლიმონის წვენით. ბულგარული წიწაკა გარეცხეთ და დაჭერით ჩხირებად. ხახვი დაჭერით ნახევარრგოლებად.
ცალკე მოამზადეთ სოუსი. ნიორი დანაყეთ, შეურიეთ არაჟანს, დაუმატეთ კეტჩუპი და ცოტა მარილი. ყველა ინგრედიენტი აურიეთ კარგად. მოათავსეთ სასალათეში და მოასხით სოუსი.