20 აგვისტო
1896 – დააპატენტეს ტელეფონი ნომრის ასაკრეფი დისკით.
1969 – „ბითლზის“ წევრებმა ერთობლივად ჩაწერეს ბოლო ალბომი „Abbey Road“.
21 აგვისტო
1911 – ლუვრიდან გაიტაცეს „მონა ლიზა“ („ჯოკონდა“).
1915 – თურქეთის ტერიტორიაზე, დარდანელის სრუტესთან, ნისლში გაქრა ინგლისის მთელი ბატალიონი 145 ჯარისკაცის შემადგენლობით.
1968 – ჩეხოსლოვაკიაში შევიდნენ ვარშავის ხელშეკრულების წევრი ქვეყნების ჯარები.
1981 – მეცნიერებმა ოფიციალურად პირველად გამოაცხადეს გლობალური დათბობის საშიშროების შესახებ.
1986 – კამერუნში ბუნებრივი კატასტროფა მოხდა: ტბა ნიოსიდან ამოიფრქვა მგუდავი გაზი, რომლის ღრუბელმაც 25 კვადრატულ კილომეტრზე მეტი ფართობი დაფარა. დაიღუპა 1 746 ადამიანი და 20 ათასი მსხვილფეხა რქოსანი საქონელი.
22 აგვისტო
1567 – ჰერცოგი ალბა დაინიშნა ესპანეთის მეფისნაცვლად ნიდერლანდებში. მის სისასტიკეს იქ 8 000 ადამიანი ემსხვერპლა.
1770 – ჯეიმს კუკმა აღმოაჩინა ავსტრალიის აღმოსავლეთი სანაპირო, რომელიც ინგლისის სამეფოს საკუთრებად გამოაცხადა.
1932 – ტელემაუწყებლობა დაიწყო კომპანია „ბი ბი სიმ“.
23 აგვისტო
1903 – ლონდონში რსდმპ-ს სხდომაზე მოხდა განხეთქილება, რის შედეგადაც წარმოიშვა ორი ფრაქცია – ბოლშევიკების და მენშევიკების.
1913 – კოპენჰაგენში (დანია) გაიხსნა სირინოზის ძეგლი.
1939 – გერმანიამ და საბჭოთა კავშირმა ხელი მოაწერეს ეგრეთ წოდებულ „მოლოტოვ-რიბენტროპის“ აქტს გავლენის სფეროების განაწილების შესახებ.
24 აგვისტო
79 – ვულკან ვეზუვის კატასტროფული ამოფრქვევის შედეგად ფერფლმა დაფარა სამი ქალაქი: პომპეი, ჰარკულანუმი და სტაბიუმი.
410 – რომის ისტორიაში პირველად, ვესტგოთების არმიამ ალარიხის მეთაურობით, აიღო და გაძარცვა რომი.
1572 – „ბართლომეს ღამე“ პარიზში – კათოლიკეებმა მოაწყვეს პროტესტანტების მასობრივი ჟლეტა.
1853 – ამერიკელმა ჯორჯ კრამმა გამოიგონა კარტოფილის ჩიპსები.
1995 – ოფიციალურად პირველად გაიყიდა ოპერატიული სისტემა „Windows 95“.
25 აგვისტო
1718 – დაარსდა ქალაქი ორლეანი.
1875 – კაპიტანი მეთიუ უები გახდა პირველი ადამიანი, რომელმაც ლა-მანში გადაცურა.
1995 – მოეწყო ტერორისტული თავდასხმა საქართველოს მაშინდელ პრეზიდენტზე, ედუარდ შევარდნაძეზე.
26 აგვისტო
1071 – მანაცკერტის ბრძოლაში თურქ-სელჩუკებმა სასტიკად დაამარცხეს ბიზანტიელები, რის შედეგადაც მთელი მცირე აზია დაიპყრეს.
1791 – ამერიკელმა ჯონ ფიჩმა დააპატენტა თბომავალი გემის პროექტი.
1883 – ინდონეზიაში ამოიფრქვა ვულკანი კრაკატაუ, ჩაიძირა რამდენიმე კუნძული, დაიღუპა 40 000 ადამიანი (ეს იყო უძლიერესი ამოფრქვევა ჩვენს ერაში).
1978 – რომის პაპი გახდა იოანე-პავლე პირველი, რომელიც 34 დღის შემდეგ გარდაიცვალა და პაპი გახდა იოანე-პავლე მეორე.