„თბილისელების“ სამზარეულო
სენდვიჩი ყველით
საჭირო ინგრედიენტებია: 2 პომიდორი, 5 ცალი მწვანე ხახვი, 2 ცალი ქამა სოკო, 4 სადილის კოვზი ზეთი; 1 სადილის კოვზი მდოგვი, 1 სადილის კოვზი ტკბილი კეტჩუპი, 250 გრამი მაგარი, ფხვიერი ყველი, 20 გრამი ოხრახუში, 8 ნაჭერი ლორი, მარილი – გემოვნებით და 4 ცალი სენდვიჩის პური.
მომზადების წესი: პომიდორი გარეცხეთ, ამოჭერით მწვანე თავი და დაჭერით თხელ რგოლებად. ხახვი დაჭერით რგოლებად და მოშუშეთ ზეთში. მდოგვს შეურიეთ კეტჩუპი და კარგად აურიეთ. ოხრახუში კარგად გარეცხეთ, შეაშრეთ და წვრილად დაჭერით. ყველი დაფხვენით. სენდვიჩის პურების ერთ ნაწილს წაუსვით კეტჩუპის და მდოგვის სოუსი. მოაყარეთ ყველი, დააწყვეთ ლორის ნაჭრები, სოკო, პომიდორი, მწვანე ხახვი. ისევ მოაყარეთ ყველი და დააფარეთ მეორე ფუნთუშა ზემოდან. ცოტა დაწნეხეთ ხელით. მერე კი, მოათავსეთ ან ცხელ ჰაერღუმელში, ან ტაფაზე შებრაწეთ ორივე მხრიდან. ცხლადვე წაუსვით სოუსი და მოაყარეთ ოხრახუში.