ლეგენდარულმა უკრაინელმა ფეხბურთელმა ანდრეი შევჩენკომ დიდი ფეხბურთიდან წასვლის შესახებ გააკეთა განცხადება და თავისი მომავალი პოლიტიკას დაუკავშირა. კიევის „დინამოს”, „მილანისა” და „ჩელსის” ლეგენდა უკრაინის ოპოზიციური პარტიის – „უკრაინა წინ” – წევრი გახდა.  შევჩენკო სოციალურ სფეროსა და სპორტში არსებული პრობლემების მოგვარებას გეგმავს და იმედოვნებს, რომ მხარდაჭერა ექნება უკრაინელი ხალხისგან. აწ დასრულებულ ევროპის ჩემპიონატზე, რომელიც უკრაინაში ჩატარდა, ანდრეი შევჩენკომ ლამაზი „დუბლით“ დაამახსოვრა თავი გულშემატკივრებს და, როგორც ჩანს, ეს იყო მისი „გედის სიმღერა” აქტიურ სპორტში.