ლარი ვაჩოვსკიმ, რომელმაც თავის ძმასთან, ენდრიუსთან ერთად, კულტურ კინოტრილოგიად ქცეული „მატრიცა“ გადაიღო, განაცხადა, რომ გადაწყვიტა, სქესი შეიცვალოს. 47 წლის ლარი უკვე ყველას წარუდგა, როგორც ლანა და ამბობს, რომ უსაზღვროდ ბედნიერია – ბოლოს და ბოლოს შეძლებს, აღარ იცხოვროს სხვის სხეულში.
ხმები ვაჩოვსკის სქესის გამოცვლაზე, ჯერ კიდევ,  2003 წელს გავრცელდა, როდესაც ის ცოლს გაშორდა. თქვეს, თითქოს ყოველთვის მისი კაბებით დადიოდაო. სწორედ მაშინ გასინჯა ლარიმ ქალის ჰორმონები. შემდეგ კი მშვენიერ ილზა სტრიკსზე დაქორწინებამ საზოგადოებაში ჭორები გაანელა.

ახლა კი, „მატრიცის“ შემქმნელმა უკვე დაიწყო ჰორმონული თერაპია. „ერთი მდგომარეობიდან მეორეში გადასასვლელად“ ეს ერთ-ერთი მნიშვნელოვანი ეტაპია. როგორც ვაჩოვსკიმ განაცხადა: იმისთვის, რომ შეეცნო  ჭეშმარიტი ქალური არსება, მას თითქმის ათი წელი დასჭირდა.

   ლარი ვაჩოვსკიმ ახალი სახელი პირველად თავის ბოლო ფილმში, „Gloud Atlas-ში“ გააჟღერა – „გამარჯობა, მე ლანა ვარ“, – ამბობს რეჟისორი და უღიმის ოპერატორს.
ოპერაციისთვის მოსამზადებლად ლანას კიდევ ერთი წელი დასჭირდება.