გერმანული „ჰამბურგის” ხელმძღვანელობა კატალონიური „ბარსელონისგან” ზარალის ანაზღაურებას ითხოვს. საქმე ისაა, რომ გერმანულ კლუბს არსებობის 125 წელი შეუსრულდა და ამ თარიღთან დაკავშირებით დაიგეგმა ამხანაგური მატჩის ჩატარება „ბარსელონასთან”. აფიშებზე მითითებული იყო, რომ „ჰამბურგის” წინააღმდეგ პლანეტის საუკეთესო ფეხბურთელი ლიონელ მესი ითამაშებდა, თუმცა, ისე მოხდა, რომ „ბარსელონამ” ჰამბურგში მეორე შემადგენლობა ჩაიყვანა, ხოლო ლიონელ მესი მოედანზე საერთოდ არ გამოჩენილა. მესის არყოფნა ტრავმით ახსნა „ბარსას” მწვრთნელმა ტიტო ვილანოვმა, თუმცა, ჰამბურგელი ფეხბურთის მოყვარულები ამ ფაქტმა არ დაამშვიდა, რადგან, ისინი მესის სანახავად იყვნენ მისულები სტადიონზე. „ჰამბურგი” „ბარსელონისგან” 400 ათასი ევროს მიღებას გეგმავს.