ლონდონის ოლიმპიური თამაშების დაწყებამდე გერმანიის ნაკრების წევრებმა თავიანთ ქომაგებს სიურპრიზი შესთავაზეს და „ფლეიბოის” ფოტოკამერის წინაშე გაშიშვლდნენ. 18 წლის მხატვრულმა ტანმოვარჯიშემ რეგინა სერგეევამ, მოცურავემ ანჟელა მაურერმა, ბალახის ჰოკეის მოთამაშემ კრისტინა შუტცემ, წყალში მხტომელმა კრისტინ შტოიერმა და მსროლელმა ბეატა გაუსმა ფოტოსესიაში მიიღეს მონაწილეობა და „ფლეიბოის” ყდაზე გამოჩნდნენ სათაურით: „ხუთი ოქროს მიზეზი, თუ რის გამო უნდა გავატაროთ ზაფხული ტელევიზორთან”. გერმანული სპორტისთვის პირველი შემთხვევაა, როდესაც სპორტსმენი ქალები საჯაროდ შიშვლდებიან. 2010 წელს მსოფლიო ჩემპიონატის დაწყებამდე გერმანიის 20 წლამდელთა ქალთა ნაკრებმა ასეთივე გულახდილი ფოტოები გერმანიის ნაკრების ფეხბურთელებს მიუძღვნა.