„მანჩესტერ იუნაიტედის” ფეხბურთელი, ტომ კლევერლი ოლიმპიურ ნაკრებშია მიწვეული და დიდი ბრიტანეთის გაერთიანებული გუნდის ღირსებას იცავს ლონდონში. სპეციალურად ოლიმპიადისთვის, კლევერლიმ ტრავმის მოშუშებაც კი მოასწრო, რომლის გამოც „ევრო 2012-ზე“ ვერ იასპარეზა. თუმცა, ცნობილი გახდა, რომ ტრავმის მოშუშებასთან ერთად, კლევერლიმ დუბაიში დასვენებაც მოასწრო, სადაც მისი პარტნიორი ცნობილი ინგლისელი მოდელი, რეალითი-შოუების ვარსკვლავი, ჯორჯინა დორსეტი იყო. წყვილი არცთუ დიდი ხანია, რაც ერთმანეთს ხვდება, თუმცა მათ შესახებ ამბობენ, რომ მალე დაქორწინდებიან.