ჰოლანდიელი ნახევარმცველი კლარენს ზეედორფი ბრაზილიური „ბოტაფოგოს” ფეხბურთელი გახდა. ეს არის ყველაზე ხმაურიანი ტრანსფერი ბრაზილიური საკლუბო ფეხბურთის ისტორიაში, რადგან, ზეედორფამდე მსოფლიო დონის არც ერთი ვარსკვლავი არ გადასულა სათამაშოდ ევროპიდან სამხრეთ ამერიკაში. 36 წლის ზეედორფმა ორწლიანი კონტრაქტი გააფორმა ბრაზილიურ კლუბთან, მანამდე კი მის გადაბირებას ინგლისური „ვესტ ჰემი” და ამერიკული „ლოს-ანჯელეს გელექსი” ცდილობდნენ, თუმცა, ამაოდ. ზეედორფი ერთადერთი ფეხბურთელია მსოფლიოში, რომელსაც ჩემპიონთა ლიგა სამჯერ, სამი კლუბის: „აიაქსის”, „რეალისა” და „მილანის” შემადგენლობაში აქვს მოგებული.