ხულიგანი ჯორდანი
ლეგენდარული მაიკლ ჯორდანის შვილი, მარკუს ჯორდანი, ომაჰას შტატის პოლიციის თანამშრომლებმა ხულიგნობის ფაქტზე დააკავეს. მარკუს ჯორდანი, რომელიც ამჟამად ცენტრალური ფლორიდის უნივერსიტეტის კლუბში თამაშობს კალათბურთს, ომაჰას ერთ-ერთ სასტუმროში ჯერ ქალბატონებს ეჩხუბა, შემდეგ კი პოლიციის თანამშრომლებზე გადაერთო, რომლებიც სასტუმროს ადმინისტრატორმა გამოიძახა. საბოლოოდ, ჯორდანი წინასწარი დაკავების საკანში მოათავსეს, თუმცა, მოგვიანებით გაათავისუფლეს. ამბობენ, რომ მარკუს ჯორდანს საუკეთესო მონაცემები აქვს იმისთვის, რომ მამის კვალს გაჰყვეს და სახელი გაითქვას ნაციონალურ საკალათბურთო ასოციაციაში.