ჩოგბურთის რუსი ვარსკვლავის, მარია შარაპოვასა და სლოვენიელი კალათბურთელის, საშა ვუიაჩიჩის ქორწილი 10 ნოემბერს სტამბულში შედგება. 25 წლის შარაპოვა და 28 წლის ვუიაჩიჩი 2010 წლის შემოდგომიდან არიან დანიშნულები და  რამდენჯერმე მოუწიათ საქორწილო ცერემონიალის გადავადება. თავდაპირველად ქორწილის გადახდა ზაფხულში იყო დაგეგმილი, თუმცა, „დიდი სლემის” ტურნირებმა და ოლიმპიურმა თამაშებმა შეყვარებულების გეგმებში კორექტივები შეიტანა. „მე პირდაპირ ეთერში ვუყურე პრინცი უილიამისა და ქეით მიდლტონის ქორწილს და, ვფიქრობ, რომ ჩემი ქორწილი გაცილებით მოკრძალებული იქნება,” – განუცხადა ჟურნალისტებს შარაპოვამ, რომლის საქმრო, ცნობისთვის, სტამბულის „ეფეს პილსენის” ღირსებას იცავს