9 ივლისი

1887 – ამერიკელმა ქაღალდის მაგნატმა ჯონ დიკენსონმა ერთ-ერთ ოფიციალურ მიღებაზე პირველად წარადგინა თავისი ქარხნის პროდუქცია – ქაღალდის ხელსახოცები.

1922 – ჯონ ვაისმიულერმა დაამყარა მსოფლიო რეკორდი – მან პირველმა გაცურა 100 მეტრი 1 წუთზე ნაკლებ დროში.

1945 – ლავრენტი ბერია გახდა საბჭოთა კავშირის მარშალი.

10 ივლისი

1547 – საფრანგეთში შედგა უკანასკნელი ოფიციალური დუელი.

1703 – პეტრე-პავლეს ციხესიმაგრის დაფუძნებით დაიწყო სანკტ-პეტერბურგის მშენებლობა.

1938 – ამერიკელმა მილიარდერმა ჰოვარდ ჰიუზმა საკუთარი კონსტრუქციის თვითმფრინავით შემოუფრინა დედამიწას 91 საათში.

11 ივლისი

1533 – გამოცხადდა ანგლიკანური ეკლესიის დამოუკიდებლობა ვატიკანისგან.

1700 – ბერლინში გაიხსნა გერმანიის მეცნიერებათა აკადემია.

1903 – ირლანდიის სანაპიროსთან გაიმართა თბომავალი გემების პირველი შეჯიბრება.

1971 – პიცბურგში (ამერიკის შეერთებული შტატები) პირველად დაიდგა ენდრიუ ლოიდ-უებერის როკ-ოპერა – „იესო ქრისტე – სუპერვარსკვლავი“.

12 ივლისი

1876 – 23 წლის იტალიელმა ბალერინამ, მარია სპელტერინიმ, 11 წუთში გადაიარა ნიაგარის ჩანჩქერის თავზე გაბმულ თოკზე.

1901 – გერმანიის რაიხსტაგმა ოფიციალურად დააკანონა დუელი.

1917 – პირველი მსოფლიო ომის მსვლელობისას, ბელგიაში, მდინარე იპრზე, გერმანიის არმიამ პირველად გამოიყენა მომწამლავი ნივთიერება, რომელსაც ამის შემდეგ იპრიტი ეწოდა.

1962 – ლონდონში შედგა „როლინგ სთოუნზის“ პირველი კონცერტი.

13 ივლისი

1897 – გულიელმო მარკონიმ მიიღო პატენტი რადიოზე.

1908 – ლონდონში, მეოთხე ოლიმპიურ თამაშებზე, პირველად იღებდნენ მონაწილეობას ქალები.

1930 – მონტევიდეოში (ურუგვაი) გაიხსნა პირველი მსოფლიო ჩემპიონატი ფეხბურთში.

1949 – რომის პაპმა, პიუს მეთორმეტემ განაცხადა, რომ ყოველი კათოლიკე, რომელიც შევიდოდა კომუნისტურ პარტიაში, განკვეთილი იქნებოდა ეკლესიიდან.

1977 – ქალაქი ნიუ-იორკი 25 საათის განმავლობაში ელექტროენერგიის გარეშე იყო დარჩენილი.

14 ივლისი

1099 – პირველი ჯვაროსნული ლაშქრობის მონაწილეებმა იერიშით აიღეს იერუსალიმი და ამოწყვიტეს ყველა იქ მცხოვრები მუსლიმანი და ებრაელი.

1789 – ბასტილიის აღებით დაიწყო საფრანგეთის დიდი რევოლუცია.

1946 – პირველად გამოქვეყნდა ბენჯამენ სპოკის წიგნი „ბავშვი და მისი მოვლა“.

1960 – ამ დღეს ვინმე მინიბაევმა, ლენინის მავზოლეუმში ყოფნისას, წიხლი ჩაარტყა ბელადის სარკოფაგს და მინა ჩაამსხვრია.

15 ივლისი

1669 – სიცილიაზე დასრულდა ვულკან ეტნას უდიდესი ამოფრქვევა, რომელიც ოთხი თვე გრძელდებოდა.

1795 – „მარსელიეზა“ გახდა საფრანგეთის ოფიციალური ჰიმნი.

1869 – იპოლიტ მეტა-მურიემ დააპატენტა მარგარინი.

1916 – დაარსდა ავიაკონსტრუქტორული ფირმა „ბოინგი“.