აზიური სამოსის გამოფენა “ჯითისიში„
შაბათს, სავაჭრო ცენტრ „ჯითისიში”, „შოპინგის” ფარგლებში აზიური ფართი მოეწყო. გამოიფინა ჟურნალისტ ბესო მახარაშვილის კერძო კოლექციიდან ინდური, არაბული და აფრიკული ნაციონალური ტანსაცმელი. იმ დღეს „ჯითისი-ში” მისულ სტუმრებს ორგანიზატორებმა შრი ლანკიდან ნამდვილი ცეილონის ჩაი დაახვედრეს, აზიური ხილით და ჩილიმით გაუმასპინძლდნენ. საღამოს მუსიკალურ აკომპანემენტს ცოცხალი ბენდი უწევდა, რომელიც აზიურ-აფრიკული ჰანგებით ახალისებდა იქ მისულ სტუმრებს. მთელი საღამო მოცეკვავეები მუცლის ცეკვებს ასრულებდნენ. ჩილიმის ტკბილ, სურნელოვან გარემოში სტუმრები თავს შუაგულ აზიაში გრძნობდნენ. გამოფენის მთავარი მიზანი კი იყო, საზოგადოებას რეალურად ენახა და ეგრძნო, ეგრეთ წოდებული, ნამდვილი არაფატების ხარისხი და ცეილონის ჩაის ნატურალური გემო.