კითხვა: დავიბადე 1980 წლის 22 ივლისს, დილის 9 საათზე. რა უნდა გავაკეთო, რომ წარმატებული ვიყო, როგორც პირად ცხოვრებაში, ასევე კარიერაში და რა არის ჩემი კარმულ-კოსმიური მისია?
პასუხი: წარმატებული რომ გახდეთ, უნდა შეძლოთ საკუთარ თავზე პასუხისმგებლობის აღება, ლიდერულ-ორგანიზატორული თვისებების წარმოჩენა. ასევე, იყავით აქტიური, ენერგიული, ინიციატივიანი. მაქსიმალურად ეცადეთ, სტაბილური გახადოთ ურთიერთობა პარტნიორულ-სასიყვარულო სფეროში. სადაც შეხვალთ, შეიტანეთ ჰარმონია, სილამაზე, სიმშვიდე და არა აგრესია, დეპრესია. მეტი ყურადღება დაუთმეთ ოჯახის წევრებს. ეს თქვენი კარმულ-კოსმიური მისიაა. ასევე, მიუდექით საქმეს მეტი სერიოზულობით. ეს ის თვისებებია, რომელიც თქვენი კოსმიური მისიაა და თქვენთვის წარმატების მომტანია ცხოვრებაში.
კითხვა: დავიბადე 1993 წლის 30 ივლისს, ღამის საათებში. რომელ პროფესიებში მექნება მეტი წარმატება?
პასუხი: სანამ პროფესიებს ჩამოვთვლი, გეტყვით, რომ თქვენი კოსმიური მისია უცხოეთთან კონტაქტია. პროფესიებიდან კი კარგია და წარმატებების მომტანი: ტურისტული ორგანიზაციების ბიზნესი, პროფესიონალური დიპლომატია საელჩოებისა და საკონსულოების დონეზე, იურისპრუდენცია, პოეზია, ლიტერატურა, ხელოვნების ფართო სპექტრი, პარფიუმერიული და კოსმეტიკური საქმიანობა ან ბიზნესი, არქიტექტურა, საკონდიტრო სფერო, სოციოლოგია და ფსიქოლოგია.
კითხვა: დავიბადე 1976 წლის 1 ნოემბერს. რომელი უცხო ქვეყანაა ჩემთვის მისაღები?
პასუხი: უცხოეთი თქვენთვის დიდი წარმატების მომტანი არ არის. თუმცა, არც ცუდია. შესაბამისად, ქვეყნებიდან კარგია და მისაღები: უკრაინა, ირლანდია, პოლონეთი, შვეიცარიის აღმოსავლეთი მხარე, ბელგია, მოლდავეთი, არგენტინა, ესტონეთი, ფინეთი, ეგვიპტე, ბულგარეთი, ისრაელი, კუნძული შრი-ლანკა, გერმანიის ბავარიის მხარე, ნორვეგია, სირია, შვედეთის დასავლეთი მხარე, კუბა, მექსიკა, უნგრეთი.
კითხვა: დავიბადე 1987 წლის 25 დეკემბერს, დილის 7 საათზე. გთხოვთ, მითხრათ, ასტროლოგიური კუთხით, რომელი პროფესიებია ჩემთვის უფრო მისაღები?
პასუხი: თქვენთვის წარმატების მომტანი პროფესიებია: სახელმწიფო ზემაღალ ეშელონებში ადმინისტრაციული საქმე, მანქანათმშენებლობა, საინჟინრო, სამეცნიერო-კვლევითი საქმიანობა, ტექნიკა-მექანიკის, საკონსტრუქტორო, საგამომგონებლო სფერო და ფსიქოთერაპიის ფართო სპექტრი.
კითხვა: დავიბადე 1974 წლის 8 მარტს, დილის 9 საათსა და 30 წუთზე. გთხოვთ, მითხრათ, უცხოეთი თუ არის ჩემთვის მისაღები და კერძოდ, რომელი ქვეყანა?
პასუხი: უცხოეთი თქვენთვის კარმული მისიაა. ამიტომ, იქ გამგზავრება კარგია. იქ დაგროვილი ცოდნით, გამოცდილებითა და ფინანსებით დიდ წარმატებებს მიაღწევთ. ქვეყნებიდან კი კარგია: რუსეთი, პოლონეთი, შვედეთი, სამხრეთ აფრიკა, კანადა, ახალი ზელანდია, ფინეთი, ავსტრალია, საფრანგეთის სამხრეთი ნაწილი, სერბეთი, სლოვენია, ესპანეთი, პორტუგალია, ამერიკის შეერთებული შტატების დასავლეთი ნაწილი, გერმანია, აღმოსავლეთ ინგლისი.
კითხვა: დავიბადე 1993 წლის 18 აპრილს, დაახლოებით საღამოს 6-დან 7 საათამდე. მინდა, უცხოეთში სწავლის გაგრძელება, რომელ ქვეყანას მირჩევთ?
პასუხი: თქვენი კარმული მისია უკავშირდება უცხოეთს. ამიტომ, აუცილებელია, წახვიდეთ და იქ მიღებული ცოდნითა და დაგროვილი კაპიტალით, წინ წაიწიოთ ცხოვრებაში. ქვეყნებიდან კი კარგია: იტალია, არგენტინა, ჩინეთი, ტიბეტი, ესპანეთი, სან-მარინო, მონაკო, ლატვია, ჰავაის კუნძულები, ავსტრია, ავსტრალია, საფრანგეთის სამხრეთი ნაწილი, სლოვენია, სერბეთი, პორტუგალია.