„ბარსელონის” არგენტინელმა ვარსკვლავმა ლიონელ მესიმ განაცხადა, რომ ახლო მომავალში მამა გახდება. ფეხბურთელის შვილის დედა ანტონელა როკუზო იქნება, რომელსაც მესი ბოლო რამდენიმე წელია, ხვდება. „ჩემი ოჯახი ძალიან ბედნიერია. არ მინდა ყველაფრის დაწვრილებით მოყოლა, თუმცა, ოფიციალურად ვადასტურებ, რომ მამა გავხდები, ბიჭის მამა”, – განაცხადა ლიონელმა. მესი და ანტონელა 24 წლისანი არიან და, ახლო მომავალში თავიანთ ურთიერთობას, სავარაუდოდ, ოფიციალურ სახეს მისცემენ. ასე რომ, „ბარსელონაში” პიკესა და მესის მამობისთვის დიდი მზადება მიმდინარეობს.