„რეალში” კარიერის ბოლომდე
პორტუგალიის ნაკრების ყველაზე ძვირად ღირებულმა ფეხბურთელმა, 27 წლის კრიშტიანუ რონალდუმ, კარიერის დასრულება მადრიდის „რეალის” მაისურში გადაწყვიტა. როგორც 90 მილიონ ევროდ შეფასებულმა ვარსკვლავმა განაცხადა, მისი ნება რომ იყოს, მადრიდულ კლუბთან კონტრაქტს 10 წლით გაახანგრძლივებდა და ბუცებს ლურსმანზე იქვე დაკიდებდა. ამჟამად ფეხბურთელი „ევრო 2012-ის“ დასრულების მოლოდინში ცხოვრობს, რადგან ივლისში მის ცხოვრებაში მნიშვნელოვანი მომენტი დადგება – რონალდუ ოფიციალურად გააფორმებს ურთიერთობას და ცოლად მოიყვანს რუს სუპერმოდელს ირინა შეიკს.