მსოფლიოს ჩემპიონმა, ბრაზილიელმა რონალდინიომ ახალი გუნდის მაისური მოირგო – 32 წლის ფეხბურთელი ამიერიდან ბრაზილიური „ატლეტიკო მინეიროს” ღირსებას დაიცავს, რომელთანაც კონტრაქტი მან 2012 წლის ბოლომდე გააფორმა. თავის წინა კლუბთან, „ფლამენგოსთან,” ვარსკვლავმა სკანდალურად დაასრულა ურთიერთობა. საქმე ისაა, რომ, რონალდინიოს თქმით, კლუბს მისი ვალი აქვს – 19,4 მილიონი დოლარი, ხოლო კლუბის ხელმძღვანელობა აცხადებს, რომ თანხა ათჯერ ნაკლებია. რონალდინიომ კლუბიდან გათავისუფლების ფურცელი სასამართლოს საშუალებით მიიღო და ამჟამად სასამართლოში წარსადგენად ამზადებს კლუბისგან კუთვნილი თანხის ამოსაღებად საჭირო ქაღალდებს.