მსოფლიოს ერთ-ერთი საუკეთესო ჩოგბურთელი ქალი, რუსი მარია შარაპოვა ტკბილეულის ბიზნესში ჩართვას გეგმავს. შარაპოვა კანფეტების საკუთარი სერიის გამოშვებას აპირებს და უკვე მოფიქრებული აქვს სახელწოდება – „შუგაპოუვ”. როგორც შარაპოვა ამბობს, ის მთლიანად არის ჩართული ბიზნესის განვითარებაში და ამჟამად სარეკლამო კამპანიის წამოწყებაზე ფიქრობს. ჩოგბურთელის თქმით, ამერიკის ღია პირველობის დაწყებამდე კანფეტს აუცილებლად გაიტანენ გასაყიდად. საგულისხმოა, რომ კანფეტს ჩოგბურთის ბურთის ფორმა ექნება და ზუსტად ისეთი გამჭვირვალე კონტეინერებით გაიყიდება, როგორშიც ჩვეულებრივი ჩოგბურთის ბურთები იყიდება.