19 ივნისის გრილი ზაფხულის საღამო ერეკლეს ქუჩაზე მდებარე ბარ „ლე პონტში“ გავატარეთ, რომელიც იმ დღეს შემოქმედებითი პროგრამით იხსნებოდა. ახალგაზრდა პოეტის – ილია კილაძის პოეზიის საღამო და გია ჯაჯანიძის ნახატების გამოფენა „ლე პონტის“ ინტერიერს ძალიან მოუხდა და საღამომ ძალიან სასიამოვნოდ ჩაიარა. საღამოს მუსიკალურად აფორმებდა ჯგუფი „ურსა”. მოწვეული სტუმრებისთვის ბარში უამრავი საჩუქარი და სიურპრიზი იყო მომზადებული. როგორც ბარის ხელმძღვანელობისგან შევიტყვეთ, აქ თვეში ერთხელ აუცილებლად გაიმართება შემოქმედებითი საღამოები და კულტურული ღონისძიებები. ბარის გახსნას უამრავი ცნობილი სახე დაესწრო. გახსნისთვის საჭირო სიმბოლური გასაღები გია ჯაჯანიძეს ჰქონდა და მან ეს ცერემონიალი საკმაოდ ორიგინალურად ჩაატარა. „ლე პონტის” განსაკუთრებული კერძებისა და ტორტის შემდეგ საღამო გრანდიოზული ფოიერვერკით დასრულდა.