აუცილებლად გაგიმართლებს
ნურავისი შეგშურდებათ. თქვენ აუცილებლად გაგიმართლებთ. აქსიომაა ის, რომ კარგ ადამიანს ყოველთვის უმართლებს. იმისათვის, რომ ბედნიერებამ კარზე მოგიკაკუნოთ, მზად უნდა იყოთ, თანაც, სათანადოდ უნდა გაისარჯოთ, ხელებით კი არა, სულით. ის პრობლემები და განცდები, რომლებსაც ზოგჯერ ცხოვრება გვთავაზობს და მიგვაჩნია, რომ სრულიად უსამართლოდ, სინამდვილეში აბსოლუტურად დავიმსახურეთ. ხშირად ჩვენი საქციელი, ჩვენი ფიქრები, სულაც არ იმსახურებს შექებას. თუ ვინმემ რამეს მიაღწია, ეს მხოლოდ მისი დამსახურებაა და არა ბედის უბრალო წყალობა.
დაიჯერეთ, რომ ადამიანები ქმნიან საკუთარ ცხოვრებას. ისინი არგებენ მას იმ მოდელს, რომელიც მოსწონთ და უნდათ. მიზანდასახულობა ბედნიერებისკენ გადადგმული სერიოზული ნაბიჯია. უმართლებს იმას, ვისაც უნდა, რომ გაუმართლოს. ისე კი, რა საამური ცხოვრება გვექნებოდა, ყველა ადამიანი სიკეთის კეთებით რომ იყოს დაკავებული და ისე ფიქრობდეს პირად ბედნიერებაზე! მაგრამ, თქვენ ჯერ საკუთარ თავზე ხართ პასუხისმგებელი. როცა თავად ხართ საკუთარი ცხოვრების განმკარგველი, ფაქტობრივად, ყოვლისშემძლეც ხართ... ასე რომ, აუცილებლად გაგიმართლებთ!