კოლუმბიელმა პოპ-ვარსკვლავმა, შაკირამ და „ბარსელონას” მცველმა, ხერარდ პიკემ უარყვეს ცნობები მათი დაშორების შესახებ. ამის თაობაზე ფეხბურთელმა საკუთარი „ტვიტერის” საშუალებით ამცნო საზოგადოებას: – „ჩვენ ყველაფერი კარგად გვაქვს”, – დაპოსტა პიკემ. დასავლურ პრესაში რამდენჯერმე დაიბეჭდა ცნობა, თითქოს პიკე ღალატში იყო შემჩნეული და შაკირა მასთან ურთიერთობის გაწყვეტას აპირებდა. სახელდებოდა ებრაელი მოდელი, ბარ რაფაელი, რომელთანაც თითქოს „ბარსას” ვარსკვლავს რომანი ჰქონდა. თავად შაკირამაც გავრცელებულ ცნობებს მხოლოდ ჭორი უწოდა და თავის „ტვიტერზე” პიკესთან გადაღებული ფოტოც კი განათავსა, იმის დასამტკიცებლად, რომ წყვილი ერთად თავს ბედნიერად გრძნობს.