1 ივნისს, ბავშვთა დაცვის საერთაშორისო დღეს, „თბილისი ცენტრალში” საქველმოქმედო აქცია-კონცერტი გაიმართა უნარშეზღუდული ბავშვებისთვის, რომლის ორგანიზატორებიც იყვნენ „პრომო” და სამოდელო სააგენტო „ნიუ სთარსი”, სვეტა ოგანის ხელმძღვანელობით. აქციაში მონაწილეობა მიიღეს საბავშვო საკონცერტო პროგრამა „მეტეხმა”, „ვივა დანსმა” და სხვებმა. ამ დღეს, ასევე, გაიმართა  წამყვანი ბრენდების „ოვსისა“ და „კოლეზიონეს” საბავშვო დეფილე. „თბილისი ცენტრალის” მეორე სართული ბავშვების ჟრიამულით გაივსო და მათ დიდხანს იმხიარულეს.