საბავშვო „ევროვიზიის” ტრიუმფატორების „ბზიკების” სტუდია აქტიურად მუშაობს, მცირე ასაკის ბავშვებს შორის სულ ახალ-ახალ ვარსკვლავებს პოულობს და ისინი პროფესიულ სცენაზე გამოჰყავს. ვოკალისტი სოფო ოკრეშიძე, ქორეოგრაფი თაკო გოგორელიანი, სტუდიის ხელმძღვანელი ნუნი ომანაძე და სტუდია „ბზიკების” უნიჭიერესი დირექტორი გიგა კუხიანიძე სტუდიის წარმატებისთვის ნამდვილად საბავშვო, გემოვნებიანი სიმღერების, კონცერტებისა თუ კოსტიუმების  შესაქმნელად უდიდეს შრომას დებენ. ამჟამად სტუდია „ბზიკებს” საკმაოდ აქტიური პერიოდი აქვს: ისინი ჯერ 26 მაისის აღსანიშნავად გამართულ კონცერტზე, შემდეგ კი, 1 ივნისს, ბავშვთა დაცვის საერთაშორისო დღეს, რამდენიმე კონცერტზე ვნახე. „ბზიკებმა” ზოოპარკში და მთაწმინდის პარკში იმღერეს. როგორც შევიტყვე, „ბზიკები” მასშტაბურ, ძალიან საინტერესო კლიპს იღებენ, რომელსაც ეკრანზე უკვე ძალიან მალე იხილავთ. ეს არის ჰიმნი საქართველოზე – „ველქამ თუ ჯორჯია”.