ათენში ხელმეორედ ჩატარდა ფილოსოფოს სოკრატეს სასამართლო. ანტიკური ფილოსოფოსი სიკვდილიდან 2 500 წლის შემდეგ გაასამართლეს. ამ შემთხვევაში, სოკრატე, გასაგები მიზეზების გამო, პირადად არ წარმოადგენდა თავის თავს სასამართლოში და, მის ნაცვლად გამოდიოდნენ ათი ადვოკატი და სამართალდამცველები. სასამართლოს აკლდა განთქმული სოკრატესეული ირონია, სამაგიეროდ, სხვა იყო ვერდიქტი.
სოკრატე ჩვენს წელთაღრიცხვამდე 399 წელს გაასამართლეს. ფილოსოფოსი დაადანაშაულეს იმაში, რომ იგი არ აღიარებს ღმერთებს და ტვინს უმღვრევს ახალგაზრდებს. სოკრატე, რომელიც თავს დამოუკიდებლად იცავდა, იქედნურად იცინოდა და მოუწოდებდა, დაეჯილდოებინათ ის ჩადენილისთვის. ის დამნაშავედ აღიარეს ათენის წინააღმდეგ შეთქმულებაში და სიკვდილი ან სამუდამო გაძევება მიუსაჯეს. სოკრატემ სიკვდილი აირჩია, დალია საწამლავი ციკუტუ და რამდენიმე წუთში გარდაიცვალა.
ამ შემთხვევაში მოსმენას ორგანიზება გაუკეთა ონასისის ფონდმა. სოკრატე  გაასამართლეს საფრანგეთის, დიდი ბრიტანეთის, ამერიკის შეერთებული შტატების, შვეიცარიისა და საბერძნეთის ათმა ცნობილმა იურისტმა და 866 მაყურებელმა.
მოსამართლეთა აზრი შუაზე გაიყო, რაც, სოკრატესეული დროის ათენის კანონებით, იმას ნიშნავს, რომ მას გაამართლებდნენ. მაყურებელთაგან 584-მა ჩათვალა, რომ ფილოსოფოსი უდანაშაულო იყო, 282-მა კი ის დამნაშავედ მიიჩნია. ამრიგად, სოკრატე გაამართლეს.