როგორც ჩანს, ინგლისის ნაკრებისა და „ტოტენჰემის” ფორვარდს, ჯერმეინ დეფოს პირად ცხოვრებაში არცთუ კარგი სიტუაცია აქვს. მისმა „გერლფრენდმა“, ალექსანდრა ბერკმა, ფეხბურთელი მორიგ საყვარელთან საწოლში გორაობის დროს გამოიჭირა. დეფო მანამდეც იყო შემჩნეული ღალატში, კერძოდ, იგი 23 წლის ფოტო-მოდელ ლაურა ბრაუნს ხვდებოდა, თუმცა, დეფოს ახალი საყვარელი სულ სხვა მოვლენაა. ლამაზმანმა ბერკმა თავისი „ბოიფრენდს“ მავან ექთანთან, 120-კილოგრამიან კირსტი კრამთან შეუსწრო, რომელიც სამოდელო გარეგნობით ნამდვილად ვერ დაიკვეხნის. კრამის თქმით, ის და დეფო ერთი წელია, რაც საყვარლები არიან და ფეხბურთელი თავს ბედნიერად გრძნობს, როდესაც მის სავსე ფორმებს ეფერება. კრამის ფოტოს ნახვისთანავე ბერკმა ოფიციალურად განაცხადა, რომ დეფოს სამუდამოდ დაშორდა.