„მანჩესტერ იუნაიტედის” უელსელი ნახევარმცველი რაიან გიგზი ინგლისური პრემიერლიგის არსებობის ისტორიაში საუკეთესო ფეხბურთელად დასახელდა. 38 წლის გიგზი ერთადერთი ფეხბურთელია, რომელსაც „პრემიერლიგის“ დაარსებიდან, 1992 წლიდან, აბსოლუტურად ყველა სეზონში უთამაშია. საუკეთესოდ გიგზი ფეხბურთის ექსპერტებმა დაასახელეს, სხვა ნომინანტები კი იყვნენ: ერიკ კანტონა, დენის ბერხკამპი, ტიერი ანრი, როი კინი, კრიშტიანუ რონალდუ, პოლ სქოულზი, ჯანფრანკო ძოლა, ალან შირერი და პატრიკ ვიეირა. გიგზს „წითელი ეშმაკების” შემადგენლობაში 12-ჯერ აქვს მოგებული „პრემიერლიგა“ და, საერთო ჯამში „პრემიერლიგის“ 598 მატჩში აქვს მონაწილეობა მიღებული, რაც აბსოლუტური რეკორდია. იმის გათვალისწინებით, რომ გიგზი კარიერის დასრულებას 2013 წლის ბოლოს გეგმავს, მისი რეკორდი კიდევ გაუმჯობესდება.