21 მაისი

1502 – ესპანელმა ზღვაოსანმა ხუან და-ნოვამ აღმოაჩინა წმინდა ელენეს კუნძული.

1809 – ასპერნის ბრძოლაში (ავსტრიელებთან, რომლებსაც კარლ ჰაბსბურგი სარდლობდა) ნაპოლეონ ბონაპარტემ განიცადა პირველი დამარცხება თავის კარიერაში.

1904 – დაარსდა მსოფლიო საფეხბურთო ორგანიზაცია „ფიფა“.

22 მაისი

1455 – ინგლისში დაიწყო თეთრი და ალისფერი ვარდების ომი.

1908 – ძმებმა ორვილ და უილბერ რაიტებმა მიიღეს პატენტი მათ მიერ 1903 წელს გამოგონებულ თვითმფრინავზე.

1960 – ბენჯამინ დევისი გახდა პირველი ზანგი გენერალი ამერიკის შეერთებული შტატების არმიაში.

1990 – ჩრდილოეთ და სამხრეთ იემენი გაერთიანდა ერთ სახელმწიფოდ.

23 მაისი

1849 – აბრაამ ლინკოლნმა მიიღო პატენტი მის მიერ გამოგონებულ მცურავ დოკზე. შემდგომში ლინკოლნი გახდა ამერიკის შეერთებული შტატების ერთადერთი პრეზიდენტი, რომელსაც აღებული ჰქონდა პატენტი.

1856 – მოსკოვში დაარსდა ტრეტიაკოვის სურათების გალერეა.

1908 – ძმებმა რაიტებმა მიიღეს პატენტი თავიანთ მფრინავ აპარატზე (თვითმფრინავზე).

24 მაისი

1904 – ვენაში გაიხსნა პირველი მსოფლიო ჩემპიონატი ბერძნულ-რომაულ ჭიდაობაში.

1934 – ამერიკის შეერთებულ შტატებში სპეცოპერაციის დროს პოლიციელებმა მოკლეს ცნობილი განგსტერები: ბონი პარკერი და კლაიდ ბეროუ.

1963 – ფიდელ კასტროს მიენიჭა საბჭოთა კავშირის გმირის წოდება.

25 მაისი

1830 – შტატ მერილენდში ამუშავდა პირველი რკინიგზა ამერიკის კონტინენტზე.

1844 – სამუელ მორზეს თაოსნობით გაიხსნა პირველი სატელეგრაფო ხაზი – ვაშინგტონი-ბალტიმორი.

1899 – ბოსტონში გაიხსნა მსოფლიოში პირველი ფასიანი ავტოფარეხი.

1985 – ამერიკის შეერთებულ შტატებში გამოვიდა მხატვრული ფილმი „რემბო – პირველი სისხლი“.

1995 – ამერიკის შეერთებულ შტატებში გამოვიდა მხატვრული ფილმი „მამაცი გული“ მელ გიბსონის მონაწილეობით.

26 მაისი

1895 – ოსკარ უაილდი ჩასვეს ციხეში ჰომოსექსუალიზმის ბრალდებით.

1953 – ჰიუსტონში მაუწყებლობა დაიწყო პირველმა კომერციულმა განმანათლებელმა ტელეარხმა.

1977 – ეკრანებზე გამოვიდა „ვარსკვლავეთის ომების“ პირველი ფილმი – „ეპიზოდი IV”.

27 მაისი

1896 – მეფედ ეკურთხა რუსეთის უკანასკნელი მონარქი – ნიკოლოზ მეორე.

1928 – „ფიფას” სხდომაზე გადაწყდა ფეხბურთში მსოფლიო ჩემპიონატების ჩატარება ყოველ 4 წელიწადში ერთხელ.

1977 – „ადამიანი ბუზი“ – ჯონ უილინგი, დაზღვევის გარეშე ავიდა მსოფლიო სავაჭრო ცენტრის 110-სართულიან შენობაზე (რომელიც 11 სექტემბრის ტერაქტისას დაინგრა).