„მანჩესტერ სიტის” ჭირვეულ ფორვარდს, მარიო ბალოტელის, მორიგი უსიამოვნება აქვს, ოღონდ, ამჯერად, პირად ცხოვრებაში. ბრიტანელი ჟურნალისტებისთვის ცნობილი გახდა მისი პირადი ცხოვრების ინტიმური დეტალები. აღმოჩნდა, რომ ბოლო დროს მარიო სისტემატურად ღალატობდა თავის ოფიციალურ „გერლფრენდს”, მოდელ რაფაელა ვიკის. საუბარია ორ ცნობილ მეძავზე: ქლოე ევანსზე და უეინ რუნისთან კავშირში შემჩნეულ ჯენიფერ ტომპსონზე, რომლებიც აცხადებენ, რომ ბალოტელი მათი ხშირი სტუმარი იყო. ევანსმა ისიც კი განაცხადა, რომ ერთი კვირის განმავლობაში მარიოს სახლში ცხოვრობდა და ყოველდღე ცეცხლოვანი სექსი ჰქონდა სკანდალურ ფეხბურთელთან. ჯერჯერობით მარიომ მხოლოდ ტომპსონთან კავშირი აღიარა, ხოლო ევანსის ნაამბობს კი აბსურდულს უწოდებს და აცხადებს, რომ მასთან არანაირი კავშირი არ ჰქონია. ჟურნალისტები მოვლენების განვითარების მოლოდინში არიან, რადგან მარიოსგან კვლავაც მოსალოდნელია ახალი სკანდალური თემების აგორება.