ესპანური „ბარსელონის” სუპერფორვარდი ლიონელ მესი გახდა პირველი ფეხბურთელი ლეგენდარული გერდ მიულერის შემდეგ, რომელმაც ერთ სეზონში 61 გოლის გატანა მოახერხა. ამგვარად, ლიონელ მესი მიუახლოვდა მიულერის აბსოლუტურ რეკორდს – 1972-1973 წლების სეზონში მიუნჰენის „ბაიერნის” ლეგენდამ სეზონში 67 გოლის გატანა მოახერხა და, იმის გათვალისწინებით, რომ სეზონი ჯერ არ დასრულებულა და „ბარსელონას” ათამდე მატჩი დარჩა ჩასატარებელი, სრულიად შესაძლებელია, მესიმ მიულერის რეკორდის დამხობა შეძლოს. აღსანიშნავია, რომ ამ სეზონში ეს მესის რიგით მესამე რეკორდია, მანამდე მან ჩემპიონთა ლიგის მერვედ ფინალში 5 გოლის გატანა შეძლო, რაც მანამდე არც ერთ ფეხბურთელს არ მოუხერხებია და, ასევე, თავისი გოლების რაოდენობა „ბარსას” რიგებში მან 240-მდე აიყვანა, რაც ასევე სარეკორდო შედეგია.