ონილს ცოლი აკოტრებს
შაკილ ონილი თანამედროვეობის ერთ-ერთი უდიდესი კალათბურთელია და ამჟამად „ქლივლენდ კავალიერზის“ ღირსებას იცავს. მას, აგერ უკვე მეშვიდე წელია, ცოლად ქალბატონი ვაშონდია ჰყავს, მაგრამ, როგორც ჩანს, წყვილის ოჯახურ ცხოვრებას დიდი დღე არ უწერია, რადგან ცოლმა სასამართლოში განცხადება შეიტანა განქორწინებაზე. ამასთან, ცოლს სურს, რომ ოთხივე შვილი თავად გაზარდოს და მამამ მსუყე ალიმენტი იხადოს. ქალს ქონების უდიდესი ნაწილიც უნდა და ეს უდიდესი ნაწილი ას მილიონ დოლარზე მეტია.
ადვოკატის განცხადებით, განქორწინების მიზეზი ის არის, რომ ვაშონდია ქმარს ვერ უგებს და მასთან ცხოვრება აღარ შეუძლია, რაც ცოტა უცნაურია – თუ შვიდი წლის განმავლობაში უგებდა, ოთხი შვილი გაუჩინა, ახლა რა დაემართა? თავად ონილი არანაირ კომენტარს არ აკეთებს.