ორი მელია
ყოფილმა მოციგურავემ, ანა სემიონოვიჩმა, ყინულზე სრიალს კარგა ხანია, თავი დაანება, რადგან დიდი მკერდი სერიოზული წარმატებების მიღწევაში ხელს უშლიდა. სამაგიეროდ, მან თავის რჩენის ახალი გზა მალე იპოვა – ფოტომოდელობა დაიწყო და, საკმაოდ წარმატებითაც. მერე იყო ოპერაცია და მკერდის კიდევ უფრო გადიდება, რაც სავსებით საკმარისი აღმოჩნდა იმისთვის, რომ ანა რუსეთის ერთ-ერთ ულამაზეს და სასურველ ქალად ეღიარებინათ. რამდენიმე დღის წინ ანამ საინტერესო განცხადება გააკეთა:
„ყინულზე სრიალი მენატრება და კვირაში ერთხელ დარბაზში მივდივარ. ამ ბოლო დროს დარბაზში მელიაც დამყავს. პატარა მელია მეგობარმა მაჩუქა და ის ჩემთან ერთად ცხოვრობს. მეუბნებიან, რომ ეს მელია გაჭრილი ვაშლივით მგავს და მეც ვხვდები, რომ ჩვენ შორის დიდი მსგავსებაა, ამიტომ ის ძალიან მიყვარს,“ – განაცხადა ანამ.
ჩვენს ზოოპარკში სემიონოვიჩის მსგავსი მელია რომ მოიყვანონ, მამები შვილებს ცხოველების სანახავად აშკარად უფრო დიდი სიამოვნებით წაიყვანდნენ.