ამერიკის კონტინენტზე გადაბარგების შემდეგ, ფრანგმა სუპერვარსკვლავმა, ტიერი ანრიმ პირველი ჰეთ-ტრიკი მიითვალა. სამი გოლი მან კანადურ კლუბ „მონრეალ იმპაკტს” გაუტანა. საინტერესოა, რომ ეს ჰეთ-ტრიკი კლუბისთვის უკანასკნელი 6 წლის განმავლობაში პირველია. უკანასკნელად „ნიუ-იორკ რედ ბულსის” მოთამაშემ სამი გოლი 2006 წლის 14 ოქტომბერს გაიტანა. ამჟამად ტიერი ანრი ბომბარდირთა შორის ლიდერია 4 გოლით, ხოლო გასულ სეზონზე 15 გოლის გატანა მოახერხა. აღსანიშავია ის ფაქტიც, რომ ტიერი ანრიმ რამდენიმე დღის წინ თავისი მეგობარი, „ბოლტონის” ფეხბურთელი ფაბრის მუამბა მოინახულა ინგლისში. მუამბამ გულის შეტევა საფეხბურთო მოედანზე გადაიტანა და ამჟამად რეაბილიტაციის კურსს გადის.