ქორწინებისთვის მეტად მნიშვნელოვანია ენერგეტიკულად ყველაზე ძლიერი ვექტორული წრის სტრუქტურა, რადგან ის აყალიბებს თანასწორობას ნიშანთა თორმეტივე წყვილს შორის. ასევე, მნიშვნელოვანია იმის გათვალისწინებაც, თუ რამდენი წელია სხვაობა მეუღლეთა შორის, კერძოდ:

ერთ წელს დაბადებულები (თანატოლები) – ქორწინება, საქმიანი პარტნიორობა არ არის სასურველი და თუ მათ სოციალური ამბიციები არ აქვთ და სურთ, მთელი ცხოვრება ერთმანეთის გვერდი-გვერდ ჩუმად ისხდნენ ტელევიზორთან, მაშინ, ერთ წელს დაბადებულ ადამიანთა კავშირი მისაღებია, მაგრამ, თუ მათ ლიდერის ხასიათი აქვთ, კონფლიქტებისა და დაპირისპირების ალბათობა ძალიან მაღალია.

სხვაობა 1 წელი – ხელს უწყობს სიმდიდრის დაგროვებას. ასეთი პარტნიორები ეხმარებიან ერთმანეთს ფულის მოპოვებაში. როგორც სასიყვარულო, ასევე, საქმიანი კავშირების შედეგად, ადვილდება ვალების გასტუმრება.

სხვაობა 2 წელი – სიმდიდრის დაგროვების პერსპექტივები, ფაქტობრივად, არ არსებობს; სამაგიეროდ, თქვენ გარანტირებული გექნებათ გრძნობების სიუხვე, სულიერი განვითარება, ერთიანობა სექსში. ზოგჯერ ასეთი კავშირები ხანმოკლეა.

სხვაობა 3-9-12 წელი – ასეთი ასაკობრივი განსხვავება  კრიტიკულია. ეს ადამიანები ერთმანეთს მოუტანენ განცდებს, ბრძოლას, კონკურენციას, დაპირისპირებას, მაგრამ, ვისაც მძაფრი შთაბეჭდილებები, ბრძოლა სურს, – მათთვის ასეთი ერთიერთობა, შეიძლება, საინტრესო და პროდუქტიულიც კი აღმოჩნდეს, თუმცა, 9-წლიანი განსხვავების შემთხვევაში, მაინც რთულია ჯანმრთელი კონკურენციის მიღება, უფრო ინტრიგების ქსელში გაბმული შეიძლება აღმოჩნდეთ.

სხვაობა 4 წელი – ჰარმონიული ურთიერთობების ალბათობაა. ბევრია საერთო ინტერესი. შესაძლებელია საერთო ბიზნესი, მოგზაურობა.

სხვაობა 5-10-15 წელი – კარმული კავშირია: ადამიანები აბრუნებენ კარმულ ვალებს და თავისუფლდებიან იმისგან, რაც მათ ან მათთმა წინაპრებმა დააგროვეს. ასეთ საქორწინო თუ საქმიან ურთიერთობებში მეტად პრივილეგირებულია უმცროსი პარტნიორი – მისი შესასრულებელი ამოცანები უფრო მსუბუქია. ასეთ კავშირებს ჰარმონიულს ვერ დავარქმევთ, თუმცა, ისინი ხელს უწყობს ცხოვრებისეული გზის სწორ არჩევანს, სულიერ განვითარებას, ფსიქოკომპლექსებისგან გათავისუფლებას.

სხვაობა 6 წელი – სახიფათო შეხამებაა, არსებობს დისჰარმონიული ტენდენციები. არ არის სასურველი.

სხვაობა 7-14 წელი – საგრძნობლად ართულებს ცხოვრებას. იწვევს ნეგატიური ტენდენციების, ენერგიების მოზიდვას. მაღალია ღალატის ალბათობა. სამაგიეროდ, საიდუმლო კავშირებისთვის, ანუ, თუ არ გსურთ ურთიერთობის აფიშირება, ასეთი ურთიერთობები იდეალურია.

სხვაობა 8 წელი – ჰარმონიული ურთიერთობები, შემოქმედებითი ურთიერთობის გამოვლენა.

სხვაობა 16 წელი – პარტნიორები იდეალურად ავსებენ ერთმანეთს. აქ არის თვითშემეცნების პროცესი, მაგრამ, ცხოვრებისეულ გზაზე შეჩერება, გაყინვა, წინსვლაზე უარის თქმა – ანგრევს ამ კავშირს.

სხვაობა 11 წელი – მოულოდნელობებით აღსავსე კავშირია – აზარტი, ერთიანობა და წინააღმდეგობა ერთროულად. შესაძლებელია ასეთ პარტნიორთან ურთიერთობისას დაწეროთ ბესტსელერი. არ არის გამორიცხული, რომ არაამქვეყნიურმა განცდამ, გრძნობამ მილიონი მოგაპოვებინოთ, თუმცა იმავე ალბათობით, შეიძლება დაკარგოთ ყველაფერი.

სხვაობა 13 წელი – არ გვპირდება მსუბუქ ურთიერთობებს, მაგრამ, თუ თქვენ არ გეშინიათ საბედისწერო სიტუაციების და მიილტვით სულიერი ტრანფორმაციისკენ, მაშინ, ასეთი კავშირები თქვენთვის საინტერესო იქნება.