ცხოვრებაში, ჩვენს გარშემო უამრავი უცნაური ფაქტი ხდება. ზოგს ახსნას ვუძებნით, ზოგიც ამოუხსნელი რჩება. თუნდაც ერთი შეხედვით ჩვეულებრივი ნივთი – სარკე, რომელიც ყველა ოჯახშია და რომელთანაც გოგონები საათობით იპრანჭებიან, შესაძლოა, იმდენად ნეგატიურად მოქმედებდეს თქვენზე, ვერც კი გააცნობიეროთ, რატომ შეიცვალა სამყარო თქვენ ირგვლივ უარყოფითად. ასევე, არსებობენ უხილავი სტუმრები ბინაში, რომლებიც ჩვენივე დაუდევრობით სარგებლობენ და სწორედ იმ დროს გვეწვევიან სახლში უჩინრად, როცა მათ არ ველით. ამ თემებზე კომენტარი ვთხოვეთ პარაფსიქოლოგს, ქალბატონ ლალის, რომელიც წლების განმავლობაში ეზოთერიკულ ცოდნას უცხოეთის ერთ-ერთ ცნობილ პარაფსიქოლოგიურ ცენტრში იღებდა.