მსოფლიოს 2002 წლის ჩემპიონმა, „ბარსელონას”, „მილანის“ „ოლიმპიაკოსისა” და უზბეკური „ბუნედკორის” ვარსკვლავმა, უბერებელმა რივალდომ, კვლავ შეახსენა თავი მსოფლიო ფეხბურთს. 40 წლის ფეხბურთელმა პირველი ჰეთ-ტრიქი მიითვალა თავის ახალ კლუბში. ზამთრის შემდეგ რივალდო ანგოლაში კლუბ „კაბუშპორის” ღირსებას იცავს და იქაურებისთვის ნომერ პირველ ვარსკვლავად ითვლება. სამივე გატანილი გოლი რივალდოს უმაღლეს დონეზე მეტყველებს. კლუბის რუსი თავკაცის, ვიქტორ ბონდარენკოს თქმით, გასაოცარია, როგორ ახერხებს 40 წლის სპორტსმენი იმ სპორტული ჟინის შენარჩუნებას, რომ დაუღალავად 90 წუთს მოედანზე ატარებს და შეცვლასაც არ ითხოვს.